Миний хувьд гольфоор хичээллэснээр эрүүл орчинд өөртөө илүү их цаг зарцуулж, өөрийгөө байнга хөгжүүлэх сорилттой тулгарах нь маш их таалагддаг. Энэ спорт тэсвэр, тэвчээр, өөрийгөө ялан дийлэх боломж бий болгодгоороо хүүхэд залуусын төлөвшилд сайнаар нөлөөлнө гэж боддог.

Hard work beats talent when talent doesn’t work hard.

Tasteful Putt, Brilliant Golf Game.

Энэ спортын хамгийн гол зүйл нь хүн өөрөө өөртэйгээ тоглох. Эрүүл агаарт алхангаа үнэнч, шударга, этик өндөртэй байх шаардлагыг өөртөө тавих шаардлага тулгардаг.

Ямар ч насны, ямар ч түвшний, хэдэн ч хүн нэгэн зэрэг хоорондоо өрсөлдөж, өөрөө өөрийгөө шүүдэг нь гайхалтай.

Life is good when you’re Golfing.

Play strong or go home.

Гольф яг л амьдрал шиг нар, бороо, салхи, шуурга, бартаатай. Бөмбөг ямар ч газар унасан бай, тэндээс амжилттай цохилт гүйцэтгэх боломж, сонголт үргэлж байдаг. Энэ бүхнийг хэрхэн даван гарах зөвхөн танаас шалтгаална. Бэрхшээлийг даван туулсны дараа үр дүнгээ мэдрэх гайхалтай. Тоглогчоос техникээс гадна стратеги, зохион байгуулалт, бэлтгэлийг шаарддаг спорт.

Шинэ, хуучин ямар ч тоглогч хоорондоо эн тэнцүү өрсөлдөг боломжыг олгодог спорт. Миний хувьд гольфоор хичээллэснээр илүү өөртөө итгэлтэй болсон. Тоглоод эхэлсэн л бол та өөрийн эрхгүй дурлах болно энэ спортод.

Гольфийн спорт өөртөө итгэх итгэлийг минь нэмэгдүүлдэг. Хүн өөрийгөө “олдог”, мэдэрдэг, мэдрэмж өндөртэй болгодог спорт гэж боддог.

Гольфийн спортыг анх харахад агаарт гарч, зугаалга хийж байгаа мэт сэтгэгдэл төрүүлдэг байх. Үнэндээ бол энэ спортыг илүү их сурах тусам анхаарал төвлөрөл, эмх цэгц, сахилга бат, хурд, хүч, мэдрэмж гэх мэт олон зүйлсийн нэгдэл гэдгийг ойлгоно. Дэлхий дахинд энэ спорт ямар хэмжээнд үнэлэгддэг нь олон асуултын хариулт юм.

Smart. Beautiful. Golf